ஸ்ரீ சத்ய சாயி பாலவிகாஸ் - ஒரு கண்ணோட்டம்

தங்கள் குழந்தைச் செல்வங்களின் ஆன்மீகத் தேவைகளைப் பூர்த்தி செய்வதற்கும், குழந்தைகளின் நன்நடத்தையை உருவாக்கும் பொறுப்பை ஏற்று, மனித ஒருமைப்பாட்டினை வலியுறுத்தும் பாரதத் திருநாட்டின் செழிப்பான பண்பாடு மற்றும் ஆன்மீகப் பாரம்பரியத்தினை அவர்களுக்கு எடுத்துரைப்பதற்கும் பகவான் ஸ்ரீ சத்ய சாயி பாபா, பெற்றோர்களுக்கு விடுத்த அழைப்புதான், “மனித மேம்பாட்டின் மலர்ச்சி” எனும் பொருள் பொருந்திய ஸ்ரீ சத்ய சாயி பாலவிகாஸ் ஆகும். இவ்வாறாக, அறநெறிப்படி வாழ்க்கை வாழ்ந்திடுவதற்காக, உலகம் தழுவிய தனிமனித அர்ப்பணிப்பைச் சாத்தியம் ஆக்குவதற்காக, பகவான் ஸ்ரீ சத்ய சாயி பாபா அவர்களால் ஸ்ரீ சத்ய சாயி பாலவிகாஸ் தோற்றுவிக்கப்பட்டது. இதனைக் கருத்தில் கொண்டு, வாரந்தோறும் ஒரு மணி நேரம் நடத்தப்படும் ஒவ்வொரு பாலவிகாஸ் வகுப்பிலும், எளிமையான, ஆனால் மிகவும் பயன்முனைப்புள்ள, பின்வரும் கற்பித்தல் முறைகள் மேற்கொள்ளப்படுகின்றன

பிரார்த்தனை
குழுவாகப் பாடுதல்
அமைதியாக உட்காருதல்
கதை
கூறுதல்
குழுச் செயல்பாடுகள்

பாடத்திட்டத்தின் சிறப்பு

  • ஐந்திலிருந்து-பதிமூன்று வயது வரையிலான குழந்தைகளுக்கு, மூன்று வகுப்புகளாக, ஒன்பது வருடங்களுக்கு இப்பாடத்திட்டம்       வடிவமைக்கப்பட்டுள்ளது
  • அடிப்படை மனித மதிப்பீடுகளான சத்தியம், தர்மம், சாந்தி, பிரேமை மற்றும் அஹிம்சை ஆகியவற்றைக் குழந்தைகள் கற்று,    அவற்றைத் தம் வாழ்க்கையில் பின்பற்றுவதற்கேற்றவாறு இப்பாடத்திட்டம் வடிவமைக்கப்பட்டுள்ளது.

பாடத்திட்டத்தின் முக்கிய அம்சங்கள்

முதல் வகுப்பு: 5-7 வயது (முதல் மூன்று வருடங்கள் – இறுதி வரை இருப்பது)
  • வெவ்வேறு தெய்வங்கள் மீதான எளிமையான ஸ்லோகங்கள்
  • மதிப்பீடுகளை உணர்த்தும் கதைகள்
  • நாமாவளி பஜனைப் பாடல்கள் / மதிப்பீடுகளை உணர்த்தும் பாடல்கள்
  • பகவான் ஸ்ரீ சத்ய சாயி பாபா அவர்களின் வாழ்க்கை வரலாற்றின் அறிமுகம்

ஸ்ரீ சத்ய சாயி பாலவிகாஸ் முதல் வகுப்பு நிறைவுறும் பொழுது குழந்தைகள் கற்றுக்கொள்பவை

  • புற ஒழுக்க நெறிகளான உடைக்கட்டுப்பாடு, சிறுவர்-சிறுமியர் வகுப்பில் தனித்தனியாக அமர்தல்
  • வகுப்பறைக்கு வெளியே காலணிகளை ஒழுங்குபடுத்திவைத்தல்
  • இதே ஒழுக்க நெறிகளை, வீடு மற்றும் பிற வகுப்புகள் போன்ற மற்ற இடங்களிலும் கடைபிடித்தல்
  • பெற்றோர்களின் மேல் மரியாதை, பிரார்த்தனைகள் மூலமாக நாள் முழுவதும் கடவுள் சிந்தனை கொள்ளுதல் (காலை / உணவருந்தும் முன் / இரவு)
  • பகிர்ந்து கொள்ளுதல், அக்கறை காட்டுதல் போன்ற நல்ல மதிப்பீடுகளைப் பெறுதல் மற்றும் கடவுள் ஒருவரே உண்மையான நண்பர் என்பதை ஏற்றுக்கொள்ளுதல்

இரண்டாம் வகுப்பு: 8 -10 வயது (இரட்டை இலக்க வயது – செருவூட்டதிற்கான வயது)

  • வெவ்வேறு தெய்வங்கள் மீதான எளிமையான ஸ்லோகங்கள் (பகவத் கீதை மற்றும் பஜகோவிந்தத்திலிருந்து சில ஸ்லோகங்கள்)
  • மஹான்கள் மற்றும் இறைத்தூதர்களின் கதைகள் மற்றும் மதங்களின் ஒற்றுமை
  • பகவான் ஸ்ரீ சத்ய சாயி பாபா அவர்களின் வாழ்க்கை வரலாறும், அவரது உபதேசங்களும்

ஸ்ரீ சத்ய சாயி பாலவிகாஸ் இரண்டாம் வகுப்பு நிறைவுறும் பொழுது குழந்தைகள் கற்றுக்கொள்பவை

  • பகவத் கீதையின் உபதேசங்களை தினசரி வாழ்க்கையில் பின்பற்றுதல்
  • பிற மதங்களின் சிறப்பம்சங்கள் மற்றும் சடங்குகளைப் பற்றியும் அவர்களின் பண்டிகைகளைப் பற்றியும் கற்று அவற்றைப் போற்றுதல்
  • மனசாட்சியின் குரலைக் கேட்டு, எது சரி, எது தவறு என்று பகுத்தறிதல்

தினசரி வாழ்க்கையில் பின்வரும் 5 ‘க’கரங்களைப் பின்பற்றுதல்

  • Devotion –கடவுள் பக்தி
  • Discrimination – கூர்ந்து நோக்கி பகுத்தறிதல்
  • Discipline- கட்டுப்பாட்டுடன் கூடிய ஒழுக்கம்
  • Determination – கடும் மன உறுதி
  • Duty – கடமையுணர்வு
  • நம்மை எக்கணமும் பார்த்துக் கொண்டு நமக்கு வழிகாட்டும் கடவுளைத் தன் ஆலோசகராகவும், குருவாகவும் ஏற்றுக் கொள்ளுதல்

 

மூன்றாம் வகுப்பு: 11-13 வயது (பதின்ம பருவம் சிக்கலான பருவம்)

 

  • பகவத் கீதை மற்றும் பஜகோவிந்தத்திலிருந்து சில ஸ்லோகங்கள்
  • ஸ்ரீ இராமகிருஷ்ண பரமஹம்சர் மற்றும் சுவாமி விவேகானந்தர் போன்ற மஹான்களின் வாழ்க்கை வரலாறு
  • பஜனைப் பாடல்கள் / மதிப்பீடுகளை உணர்த்தும் பாடல்கள்
  • பாரதக் கலாசாரமும் ஆன்மீகமும்
  • ஸ்ரீ சத்ய சாயி சேவா நிறுவனங்களின் மானிட சேவைப் பணிகளைப் பற்றிக் கற்றுக் கொண்டு அச்சேவைப் பணிகளில் ஈடுபடுதல்
ஸ்ரீ சத்ய சாயி பாலவிகாஸ் மூன்றாம் வகுப்பு நிறைவுறும் பொழுது குழந்தைகள் கற்றுக்கொள்பவை
  • சுற்றியுள்ள அனைத்திலும், அனைவரினுள்ளும் தெய்வீகத்தைக் காண்பதற்குக் கற்றுக் கொள்ளுதல் மற்றும் மனித வாழ்க்கையின் சாராம்சத்தையும் குறிக்கோளையும் ஆய்வு செய்தல் (பஜகோவிந்தம் ஸ்லோகங்களை நடைமுறைப்படுத்துதல்)
  • வாழ்க்கையில் மேன்மை அடைய விழைதல் மற்றும் அதனை நோக்கிச் செயல்படுவதற்குத் தேவையான வழிவகைகளைப் பின்பற்றுதல் (பகவத் கீதை ஸ்லோகங்களை நடைமுறைப்படுத்துதல்)
  • தேசப்பற்று கொள்ளுதல், மற்றும் தேசிய முன்னேற்றத்திற்காக முனைதல்; சமூக சேவைப்பணிகளில் ஈடுபடுவதன் மூலம் சமூக உணர்வுகளை தம்முள் பேணுதல்
  • நம் நாட்டின் பலவித கலாச்சாரங்கள் மற்றும் சடங்குகளிலுள்ள ஒற்றுமை மற்றும் தெய்வீகத்தையும், அவற்றின் உட்கருத்தையும் போற்றுதல்; ஆசைக்கு ஓர் உச்ச வரம்பை ஏற்படுத்தி, அதனைப் பின்பற்றுதல்
  • எண்ணம், மூச்சு மற்றும் நேரம்ஆகியவற்றின் மேல் ஒரு சுயக்கட்டுப்பாடு கொண்டும், பள்ளியிலும், வீட்டிலும், சமுதாயத்திலும் தன் கடமைகளைச் சரிவரச் செய்வதன் மூலமும்,தன் ஆளுமைத் திறனை முன்னேற்றுவதற்குத் தேவையான திறன்களைக் கற்றுக் கொள்ளுதல்
  • சிக்கல்களைத் தீர்த்தல் மற்றும் நிர்வாகத் திறன் மற்றும் ஆளுமைத் திறனை வளர்த்துக் கொள்ளுதல்; “வாழ்க்கை ஒரு விளையாட்டு, அதனை விளையாடு” மற்றும் “வாழ்க்கை ஒரு சவால், அதனை எதிர்கொள்” என்பனவற்றின் உட்கருத்தைப் புரிந்து கொண்டு, “அஹம் ப்ரஹ்மாஸ்மி” என்பதில் நிறைவுறும் மஹாவாக்கியங்களின் உட்கருத்தை உள்வாங்கிக் கொள்ள முயற்சி செய்தல்.

இந்த விதமாக வடிவமைக்கப்பட்டுள்ள இந்த தெய்வீகமான திட்டத்தின் ஒவ்வொரு நிலையிலும் குழந்தைகளுக்கு ஏற்படக்கூடிய உயர்மனமாற்றத்தின் சில முக்கிய அம்சங்களே இங்கு தொகுத்து வழங்கப்பட்டுள்ளன, இந்தப் பட்டியல் நிறைவானதல்ல. ஒவ்வொரு குழந்தையினுள்ளும் மனித மதிப்பீடுகளை வளர்க்கவும், அவற்றை தினசரி வாழ்க்கையில் பின்பற்றுவதற்கானத் திறன்களை வளர்க்கவும், அவ்வாறு வளர்ப்பதன் மூலம் தனி மனித இணக்கத்தையும், குடும்ப இணக்கத்தையும், சமுதாயஇணக்கத்தையும், தேசம் தழுவிய இணக்கத்தையும்பேணுவதற்காகச் செயல்படுவதே ஸ்ரீ சத்ய சாயி பாலவிகாஸின் பரந்த குறிக்கோளாகும்.

“ஒரு சிறிய கல்லை ஏரியில் எரியும் போது, அதிர்வலைகள் ஏரி முழுவதிலும் பறந்து செல்கிறது. அது போன்றே நம் மனமாகிற ஏரியில் ஒரு எண்ணம் என்ற கல்லைப் போடும் போது அது எல்லா புலன்களிலும்பரவுகிறது.நல்ல எண்ணம் என்பது வாயை வந்து அடையும்போது, நாம் நல்ல வார்த்தைகளையே பேசுகிறோம். அதுவே கெட்ட எண்ணமானால் நாம் கெட்டசொற்கள் பேசுகிறோம்.நீ எதைப் பார்க்கிறாயோ, கேட்கிறாயோ அல்லது செய்கிறாயோ அது நீ ஏற்றுக்கொள்ளும் எண்ணத்தைப் பொறுத்தது.ஒரு மனிதன் நல்லவனாகவோ அல்லது கெட்டவனாகவோ இருப்பது அவனது எண்ணத்தைப் பொறுத்து அமைகிறது” – பாபா ஆதாரம்:தெய்வீகப் பேருரை -11.10.1998 (சத்திய சாயிப் பேருரைகள் – தொகுதி-31

இன்றைய சமுதாயத்தில் பெரும்பாலான பிரச்சனைகள் இருப்பதற்குக் காரணம், மனித மதிப்பீடுகளுக்கு முக்கியத்துவம் அளிக்காமல் கல்வியின் முன்னேற்றத்திற்கே முக்கியத்துவம் அளிக்கப்படுவது தான்.இளைஞர்களின் இப்படிப்பட்ட துரதிருஷ்டவசமான நிலையை மாற்றியமைப்பதே ஸ்ரீ சத்ய சாயி பாலவிகாஸ் திட்டத்தின் உயரிய நோக்கமாகும். பெற்றோர்களின் குழந்தை வளர்ப்பு முறை ஸ்ரீ சத்ய சாயி பாலவிகாஸ் திட்டத்தில் பெரும்பங்கு வகிக்கின்றது.ஊடகங்கள் மற்றும் நுகர்வியல் ஆகியவைகளால் ஏற்படும் விளைவுகளால் தம் குழந்தைகள் எதிர்கொள்ளும் சவால்களைச் சுட்டிக் காண்பித்து, அவர்களே மனித மதிப்பீடுகளைக் குழந்தைகளுக்கு எடுத்துச் சொல்ல வேண்டியதன் முக்கியத்துவத்தை பெற்றோர்களுக்கு ஸ்ரீ சத்ய சாயி பெற்றோர் பயிற்சித் திட்டம் கோடிட்டுக் காண்பிக்கிறது.ஆகையால், இந்தத் திட்டம் வெற்றியடைவதற்குப் பின்வருவனவற்றை மட்டுமாவது பெற்றோர்கள் கண்டிப்பாகப் பின்பற்ற வேண்டும்.

ஸ்ரீ சத்ய சாயி பாலவிகாஸ் திட்டத்தில் பெற்றோர்களின் பங்கு

  • இந்த 9 வருட திட்டத்தில் முழு ஈடுபாட்டுடன் இருப்பது
  • குழந்தைகள் வகுப்பிற்குத் தவறாமல், நேரம் தவறாமல் பங்குகொள்ள வைப்பது
  • மனித பண்புகளைக் கற்றுக் கொடுக்கும் பாலவிகாஸ் திட்டத்தின் மீது முழு நம்பிக்கை கொள்ளுதல் வீட்டிலும் அப்பண்புகளை பின்பற்றச் செய்தல்
  • சற்றும் விலையில்லாத (முழு இலவசமான) இந்த சேவைப்பணியின் பெருந்தன்மையைப் புரிந்துகொள்ளல்
  • குழந்தைகளின் செயல்பாடுகள் பற்றியும் வகுப்புகளைப் பற்றியும் தவறாமல் அடிக்கடி கருத்து தெரிவித்தல்
  • முன்னேற்றத்தைப் பற்றிக் கலந்தாயப்படும் பெற்றோர்கள் சந்திப்பு நிகழ்ச்சியில் பங்குகொள்ளல் குடும்பத்திற்குள் உறவுகள் மேம்படுவதற்கு விழையும் பெற்றோர் பயிற்சித் திட்டத்தில் பங்குகொள்ளல்

முழுமையான ஒருங்கிணைந்த ஆளுமை மேலாண்மை

இவ்வாறாக ஸ்ரீ சத்ய சாயி பாலவிகாஸ் திட்டம் குழந்தைகளின் முழுமையான ஒருங்கிணைந்த ஆளுமையை பின்வரும் ஐந்து நிலைகளில் மலரச் செய்கிறது:

  • உடல் சார்ந்த நிலை,
  • புத்தி சார்ந்த நிலை,
  • மனம் சார்ந்த நிலை,
  • உள்ளம் சார்ந்த நிலை,
  • ஆன்மீக நிலை.
இது போன்ற பன்முக அணுகுமுறை கொண்ட ஸ்ரீ சத்ய சாயி பாலவிகாஸ் திட்டம் இவ்வாறாக ஒவ்வொரு குழந்தையினுள்ளும், மாணவ-மாணவியினுள்ளும், இளைஞரினுள்ளும் உள்ள மனித மேன்மையை வெளிக்கொணர்ந்து, தாம் ஒவ்வொருவரும் தெய்வீகமானவர்கள் என்பதனை உணரவைத்து, அவர்களுள் புதைந்திருக்கும் மனித மதிப்பீடுகளை வெளிக்கொணர்ந்து, அவற்றைத்தம் தினசரி வாழ்க்கையில் நடைமுறைப்படுத்த வைக்கின்றது. இதுவே ஸ்ரீ சத்ய சாயி விழுக்கல்வியின் மூலம் பகவான் பாபா அவர்கள் அளிக்கும் உபதேசமாகும். ஆகையால் நாம் கைகோர்த்து, சேர்ந்து இதற்காகப் பணி புரிவோம்! தம் வாழ்க்கையில் தோன்றும் அனைத்து சவால்களையும் நம் குழந்தைகள் எதிர்கொள்வதற்கான சுயநம்பிக்கையைஅவர்கள் பெறுவதற்காக நாம் ஒன்று சேர்ந்து உதவுவோம்! தம்முள் உள்ள கடவுளின் குரலைக் கேட்டு, நம் குழந்தைகள் நல்வழிப்பாதையில் நடந்திட நாம் ஒன்று சேர்ந்து உதவுவோம்! நம் குழந்தைகள் ஆற்றல் வாய்ந்த, சுயநம்பிக்கையுள்ள, உணர்ச்சிப்பூர்வமான, ஆக்கப்பூர்வமான, சந்தோஷமான மனிதர்களாகத் திகழ நாம் ஒன்று சேர்ந்து உதவுவோம்! நம் குழந்தைகள் தத்தம் குடும்பத்திற்கும், சமுதாயத்திற்கும், இந்த தேசத்திற்கும் நற்சேவை புரிந்திட நாம் ஒன்று சேர்ந்து உதவுவோம்! நம் குழந்தைகளை பாரதத்தின் முன்மாதிரியான குடிமக்களாக மாற்றுவதற்கு நாம் ஒன்று சேர்ந்து உதவுவோம்!
Premium WordPress Themes Download
Download Best WordPress Themes Free Download
Download WordPress Themes Free
Premium WordPress Themes Download
free online course
download intex firmware
Premium WordPress Themes Download
lynda course free download