నమస్తేస్తు శ్లోకము – గులకరాళ్లు లేదా నాణేలు

లక్ష్యం

లక్ష్మీదేవి చేతిలో ఉన్న చక్రం సమయాన్ని, శంఖం ధ్వనిని, మరియు గధ శక్తిని సూచిస్తాయని గ్రూప్-1 పిల్లలకు అర్థమయ్యేలా చెప్పడం మరియు మనం వీటిలో దేనినీ వృధా చేయకూడదు అని తెలుసుకోవడం.

అవసరమైన వస్తువులు

గులకరాళ్లు లేదా నాణేలు, ఒక పాత్ర.

1. గురువు మధ్యలో కూర్చుని పిల్లలను చుట్టూరా కూర్చోబెట్టాలి. పిల్లల ముఖం గురువు వైపు కాకుండా బయటకు చూచేటట్లు కూర్చోమనాలి.
2. పిల్లలను కళ్ళు మూసుకొని జాగ్రత్తగా వినమని చెప్పాలి.
3. గురువు రాళ్ళను ఒక్కొక్కటిగా పాత్రలో వేయాలి.
4. పిల్లలకి గురువు ఎన్ని రాళ్లు వేశారో లెక్క వేయమని చెప్పాలి.
5. మొదట పిల్లలందరూ కలిసి పెద్దగా లెక్కించవచ్చు.
6. తరువాత పిల్లలను నిశ్శబ్దంగా మనసులోనే లెక్కించమని అడగండి. గురువు కొన్ని రాళ్ళను చాలా దగ్గరి నుండి నిదానంగా వేయాలి.
7. పిల్లల శ్రవణ మరియు ఏకాగ్రత పెరిగేకొద్దీ గురువు ఎక్కువ రాళ్లు వేయాలి మరియు వేగంగా వేయాలి. రెండు మూడు ఒకేసారి వేయొచ్చు కూడా.
8. పిల్లలు ఒకరితో ఒకరు పోటీ పడటం లేదని మరియు వారికి వారే పోటీ అని గుర్తు చేయండి.

క్లాసులో చర్చించవలసిన విషయాలు:

1. ఈ ఆట మీకు నచ్చిందా? అయితే ఎందుకు?
2. అసలు పిల్లలకు లెక్క వేరు వేరుగా ఎందుకు వచ్చింది?
3. మాట్లాడడం మానేసి ఏకాగ్రతతో ఉన్నప్పుడు ఏమి జరిగింది? అసలు ఏకాగ్రతతో ఉండడం కష్టమా?
4. ఏకాగ్రతకి నిశ్శబ్దం అవసరమా?
5. ఎన్ని రకాలుగా మనం మన శక్తిని వృధా చేస్తున్నాం? భవిష్యత్తులో మన శక్తిని, సమయాన్ని వృధా చేయకుండా ఉండటం ఎలా?

గమనిక

గురువు ఈ చర్చ అనంతరం పిల్లలకు సమయం, శబ్దం మరియు శక్తి యొక్క ప్రాముఖ్యత, మరియు వాటిని వినియోగించుకోవాల్సిన పద్ధతి గురించి సలహా ఇవ్వాలి.