ఓంకారము – ఉచ్చారణ

మూడుసార్లు ఓంకారం పలకండి. భగవంతుని నుండి వెలువడిన మొట్టమొదటి ప్రప్రథమ శబ్దము ఓంకారము. ఈ ఓంకారము దైవము నుండి వెలువడినప్పుడు దానిని సంగ్రహించుకొనుటకు ఆకాశము ఉనికిలోనికి వచ్చినది. ఓంకారము మంత్ర రాజముగా చెప్పబడినది.

భగవంతుని సృష్టిలో మొదటిగా ఆకాశమును సృష్టించడము జరిగినది, ఎందుకనగా ఆకాశము అన్నిటిని తనలో ఇముడ్చుకోగలదు. స్వామి చెప్పారు “అందరినీ ప్రేమించు – అందరినీ సేవించు”. భగవంతునికి మనమంటే ఎంతో ప్రేమ. అందుకనే మనము నివసించడానికి ఇంత అందమైన ప్రపంచాన్ని, విశ్వమంతటిని ప్రసాదించాడు. నిన్ను ఉద్ధరించుటకు, అభివృద్ధి పరుచుటకు, మార్గదర్శకత్వం వహించుటకు, నీ విజయము, కీర్తి ప్రతిష్టలవైపు నిన్ను నడిపించుటకు నీ ప్రార్థన ఉండాలి.

ప్రశ్నలు:

1. మంత్ర రాజము అని దేనిని అంటారు?
2. ఏ మంచి గుణములను నీవు పెంపొందించుకొనదల్చుకున్నావు?