ಕಮಲ ಪುಷ್ಪ

ನಮ್ಮ ಹೃದಯವೂ ಸಹ ಕಮಲದ ಹಾಗೆಯೇ ಮೃದು ಮತ್ತು ಕೋಮಲ. ಸೂರ್ಯೋದಯವಾದಾಗಲೇ, ಕಮಲದ ಎಸಳುಗಳು ಒಂದೊಂದಾಗಿ ಅರಳತೊಡಗುತ್ತವೆ. ಕಮಲವು ನಮಗೆಲ್ಲಾ ‘ಪವಿತ್ರತೆ’ ಮತ್ತು ‘ವೈರಾಗ್ಯ’ಗಳೆಂಬ ಪಾಠಗಳನ್ನು ಸಹ ಕಲಿಸುತ್ತದೆ. ನೋಡಿ! ಆ ಕೊಳದ ನೀರೋ ನಿಂತಿರುವ ಕೆಸರು ನೀರು. ಅದರಲ್ಲಿ ಅರಳಿರುವ ಕಮಲಗಳಾದರೋ ತಮ್ಮ ಕಾಂಡದ ಕೆಳಗಿರುವ ಕೆಸರು ಮಣ್ಣನ್ನು ಅಂಟಿಸಿಕೊಳ್ಳದೇ, ಪರಿಶುದ್ಧವಾಗಿ ಮೇಲೆದ್ದು ಅರಳಿವೆ. ನಾವು ‘ಒಳ್ಳೆಯತನ’ ಮತ್ತು ‘ಪರಿಶುದ್ಧತೆ’ ಗಳನ್ನು ಹೊಂದಿರಲು ಸುತ್ತಲಿನ ಪರಿಸರವು ಹೇಗಿದೆ ಎಂಬುದರ ಅಗತ್ಯವಿಲ್ಲ ಎಂಬುದನ್ನು ಇದು ತಿಳಿಸುತ್ತಿದೆ. ಕಮಲದ ಎಲೆಗಳ ಮೇಲೆ, ಅವುಗಳಿಗೆ ಅಂಟಿಕೊಳ್ಳದೆ, ಅಲ್ಲಿಂದಿಲ್ಲಿಗೆ ಚಲಿಸುತ್ತಿರುವ ನೀರಿನ ಹನಿಗಳನ್ನು ಗಮನಿಸಿದಿರಾ? ಇದು ನಮಗೆ ‘ವೈರಾಗ್ಯ’ ವೆಂಬ ಪಾಠ ವನ್ನು ಕಳಿಸಿ ಕೊಡುತ್ತಿದೆ.

ನಾವು ಒಳ್ಳೆಯವರಾಗಿರಬೇಕು ಮತ್ತು ನಮ್ಮ ಸುತ್ತಲೂ ಇರುವ ಎಲ್ಲರಿಗೂ ಆನಂದವನ್ನು ಹಂಚಬೇಕೆಂಬುದೇ, ಇದು ನಮಗೆ ಕಲಿಸುತ್ತಿರುವ ಮತ್ತೊಂದು ಪಾಠ!

ಸೂರ್ಯನನ್ನು ಕಂಡೊಡನೆಯೇ ಕಮಲಗಳು ಅರಳುವಂತೆ, ನಮ್ಮ ಹೃದಯ ಕಮಲಗಳೂ ಸಹ ಭಗವಂತನ ಕಡೆಗೆ ಅರಳಲಿ.