ദൃഢനിശ്ചയം

ദൃഢനിശ്ചയം

നിശ്ചയദാർഢ്യത്തിന്റെ ശക്തി അറിയാൻ

(ഗുരു കുത്തുകളിൽ(വിരാമങ്ങളിൽ) താൽക്കാലികമായി നിർത്തി, ഗദ്യരചന സാവധാനം വായിക്കുന്നു… നിങ്ങൾക്ക് വേണമെങ്കിൽ പശ്ചാത്തലത്തിൽ മൃദുവായ സംഗീതം ആവാം.)

ഘട്ടം 1: ഒന്നാമതായി, നിങ്ങളുടെ കസേരകളിൽ സുഖപ്രദമായ സ്ഥാനത്ത് ഇരിക്കുക. അല്ലെങ്കിൽ തറയിൽ സുഖാസനത്തിലോ പദ്‌മാസനത്തിലോ ഇരിക്കുക. നിങ്ങളുടെ പുറവും തലയും നിവർന്ന് നേരെയാണെന്നും ഉറപ്പാക്കുക. ഒരു ദീർഘശ്വാസം അകത്തേക്കെടുക്കുക. ശ്വാസം പുറത്തേക്കു ശാന്തമായി വിടുക. ഒന്നുകൂടി ആഴത്തിൽ ശ്വാസമെടുക്കുക… മറ്റൊന്ന്കൂടി…

ഘട്ടം 2: “ഇപ്പോൾ ശരീരത്തിലെ എല്ലാ പിരിമുറുക്കങ്ങളും അയവാക്കുക. നിങ്ങളുടെ കാൽവിരലുകൾ നീട്ടുക, തുടർന്ന് അവ അയവാക്കുക. കാൽവണ്ണയുടെ പിന്നിലെ പേശികളെ (calf muscles) മുറുകെ പിടിക്കുക, തുടർന്ന് അവയെ അയവുവരുത്തുക. നിങ്ങളുടെ കാലുകളുടെ മുകളിലെയും തുടകളിലെയും പേശികളെ പിരിമുറുക്കുക, അവ അയവാക്കുക. നിങ്ങളുടെ വയറിലെ പേശികൾ ഉള്ളിലേക്ക് വലിക്കുക, എന്നിട്ട് അവയെ അയവാക്കുക. തോളുകൾ പിന്നിലേക്ക് വലിക്കുക, എന്നിട്ട് അവയെ അയവാക്കുക. തോളുകൾ മുകളിലേക്കും താഴേക്കും താഴ്ത്തുക. ഇടത്തേക്ക് നോക്കുക, മുന്നോട്ട് നോക്കുക, വലത്തേക്ക് നോക്കുക, മുന്നോട്ട് നോക്കുക. ഇപ്പോൾ മുഖത്തെ പേശികളെ പിരിമുറുക്കുക എന്നിട്ട് അവയെ അയവാക്കുക. നിങ്ങളുടെ ശരീരം മുഴുവൻ അയവാകുന്നതായി അനുഭവപ്പെടുക – എല്ലാ പിരിമുറുക്കങ്ങളും ഇല്ലാതായി. നിങ്ങൾക്ക് സുഖം തോന്നുന്നു.”

ഘട്ടം 3: ബുദ്ധിമുട്ടാണെങ്കിലും നിങ്ങൾ എന്തെങ്കിലും ചെയ്ത ഒരു സമയത്തെക്കുറിച്ച് ചിന്തിക്കുക.. മറ്റൊന്ന്… എങ്ങനെ തോന്നി?

നിങ്ങൾ ചെയ്യാൻ ആഗ്രഹിച്ച എന്തെങ്കിലും ചെയ്യാൻ നിങ്ങൾ പരാജയപ്പെട്ട ഒരു സമയത്തെക്കുറിച്ച് ചിന്തിക്കുക… എന്തായിരുന്നു അപ്പോഴത്തെ അനുഭവം? എന്ത്തോന്നി?

നിങ്ങൾ വീണ്ടും അത് ചെയ്യാൻ ശ്രമിക്കുന്നു… പരാജയപ്പെടുന്നു… വീണ്ടും ശ്രമിക്കുന്നു… പരാജയപ്പെടുമ്പോഴെല്ലാം വീണ്ടും ശ്രമിക്കുന്നു.. നിങ്ങൾ വിജയിക്കുന്നതായി സങ്കൽപ്പിക്കുക..

നിങ്ങളുടെ നേട്ടത്തിലെ പ്രശംസ സങ്കൽപ്പിക്കുക… … എന്തായിരുന്നു അപ്പോഴത്തെ അനുഭവം? അത് എങ്ങനെ തോന്നുന്നു?

നിങ്ങളുടെ നിശ്ചയദാർഢ്യത്തിനും പരിശ്രമത്തിനും സ്വയം മുതുകിൽ തട്ടി അഭിനന്ദിക്കുക

നിങ്ങൾ ശ്രമിച്ചുകൊണ്ടേയിരിക്കുകയാണെങ്കിൽ അവസാനം നിങ്ങൾ വിജയിക്കുമെന്ന് അറിയുക

ഘട്ടം 4: ഇപ്പോൾ നിങ്ങളുടെ ശ്രദ്ധ ക്ലാസ് മുറിയിലേക്ക് കൊണ്ടുവരിക, വ്യായാമം പൂർത്തിയായതിനാൽ കണ്ണുകൾ തുറക്കുക, നിവരുക. നിങ്ങളുടെ അടുത്തുള്ള ആളെ നോക്കി പുഞ്ചിരിക്കുക.

(ബിഎസ്എസ്ഇ ലിമിറ്റഡ് പ്രസിദ്ധീകരിച്ച ‘മനുഷ്യമൂല്യങ്ങളിലെ സത്യസായി വിദ്യാഭ്യാസം’ എന്നതിൽ നിന്ന് സ്വീകരിച്ചത്)