നമസ്തേസ്തു ശ്ലോകം – പ്രവർത്തനം

നമസ്തേസ്തു – ശ്ലോകം – ചെറിയ കല്ലുകൾ / നാണയങ്ങൾ

പ്രവർത്തനത്തിന്റെ ലക്ഷ്യം

ലക്ഷ്മി ദേവിയുടെ കരങ്ങളിലുള്ള ചക്രം, ശംഖ്, ഗദ എന്നിവ സമയത്തെയും (ചക്രം) ശബ്ദത്തെയും (ശംഖ്) ഊർജ്ജത്തെയും (ഗദ) സൂചിപ്പിക്കുന്നവയാണെന്നും അതുകൊണ്ട് അവയിൽ ഏതും പാഴാക്കരുതെന്നും ഗ്രൂപ്പ് – | കുട്ടികളെ പഠിപ്പിക്കാൻ.

ആവശ്യമുള്ള സാധനങ്ങൾ

കുഞ്ഞ് കല്ലുകൾ (അല്ലെങ്കിൽ നാണയങ്ങൾ), ടിൻ ഡപ്പ.

1. കുട്ടികൾ ഗുരുവിനു നേരെ പുറം തിരിഞ്ഞ് ഇരിക്കണം. വേണമെങ്കിൽ ഗുരു നടുവിൽ ഇരിക്കുകയും കുട്ടികൾ ചുറ്റിലും വൃത്താകൃതിയിൽ പുറത്തേക്ക് നോക്കി ഇരിക്കുകയും ചെയ്യാം.
2. കുട്ടികളോട് കണ്ണുകളടച്ച് ശ്രദ്ധയോടെ കേട്ടിരിക്കാൻ പറയണം.
3. ശേഷം, ഗുരു ടിൻ ഡപ്പ യിലേക്ക് ഓരോ കല്ലുകളായി ഇടണം.
4. അങ്ങനെ ടിൻ ഡപ്പ യിൽ ഓരോരോ കല്ലുകളായി വീഴുന്നത് കേൾക്കുമ്പോൾ കുട്ടികളോട് എണ്ണാൻ പറയണം.
5. തുടക്കത്തിൽ അവരോട് ഉറക്കെ ശബ്ദത്തിൽ എണ്ണാൻ പറയുക.
6. പിന്നീട് ടിൻ ഡപ്പ യിൽ ഇടുന്ന ഓരോ കല്ലും നിശബ്ദമായി മനസ്സിൽ എണ്ണാൻ പറയണം. ഗുരു കുറച്ചു കല്ലുകൾ മാത്രം ഡപ്പയുടെ അടുത്തു കൊണ്ടുപോയി സാവധാനം ഇടുക.
7. കുട്ടികളുടെ ശ്രദ്ധ കൂടുന്ന സമയത്ത് ഗുരു പതുക്കെപ്പതുക്കെ ഇടുന്ന കല്ലുകളുടെ എണ്ണത്തിലും ഇടുന്നതിന്റെ വേഗത്തിനും വർദ്ധനവ് വരുത്തണം. രണ്ടോ മൂന്നോ കല്ലുകൾ ഒന്നിച്ച് ഇടാം.
8. കുട്ടികളെ ഓർമ്മിപ്പിക്കണം: ‘നിങ്ങൾ ഓരോരുത്തരും മത്സരിക്കുന്നത് മറ്റുള്ളവരുമായിട്ടല്ല, മറിച്ച് നിങ്ങൾ നിങ്ങളോട് തന്നെയാണ്’.

ക്ലാസ്സിൽ ചർച്ച ചെയ്യാവുന്ന ചോദ്യങ്ങൾ

1. നിങ്ങളെല്ലാവരും ഈ ആക്ടിവിറ്റി ആസ്വദിച്ചുവോ? എന്തുകൊണ്ട്?
2. തുടക്കത്തിൽ ഉച്ചത്തിൽ പറഞ്ഞപ്പോൾ എന്തുകൊണ്ടാണ് ഓരോരുത്തരും വ്യത്യസ്ത എണ്ണങ്ങൾ വിളിച്ചുപറഞ്ഞത്?
3. അത് പറയുന്നതു നിർത്തി പകരം നിശബ്ദതയോടെ ഇരുന്നപ്പോൾ എന്തു സംഭവിച്ചു? ശ്രദ്ധയോടെ ഇരിക്കാൻ ബുദ്ധിമുട്ട് ഉണ്ടായോ?
4. ശ്രദ്ധ കേന്ദ്രീകരിക്കാൻ നിശ്ശബ്ദത (ശാന്തത) പ്രധാനമാണോ?
5. നാം നമ്മുടെ ഊർജ്ജവും സമയവും ഏതൊക്കെ തരത്തിലാണ് പാഴാക്കുന്നത്?
6. നമ്മുടെ ഊർജ്ജവും സമയവും ഭാവിയിൽ നാം പാഴാക്കുകയില്ല എന്ന് എങ്ങനെ ഉറപ്പാക്കാം?

അനുമാനം

ഗുരുക്കന്മാർ, ചർച്ചയ്ക്കുശേഷം കുട്ടികളോട് സമയം, ശബ്ദം, ഊർജ്ജം എന്നിവ ഈശ്വരന്റെ വരദാനങ്ങളാണ് എന്നും നമുക്ക് അവ എങ്ങനെ മികച്ച രീതിയിൽ ഉപയോഗിക്കാമെന്നും വിശദീകരിച്ചു കൊടുക്കുക.