മനോഹരമായ കൈകളുടെ കഥ

മനോഹരമായ കൈകളുടെ

വിശദീകരണം:

കഠിനാധ്വാനത്തോടെയും ആത്മാർത്ഥതയോടെയും പ്രവർത്തിക്കുന്നതിലൂടെ, നമുക്ക് നീതിപൂർവ്വം പണം സമ്പാദിക്കാൻ കഴിയും. ഇതിനായി, എല്ലാ വിരല്‍ത്തുമ്പുകളും ഒരുമിച്ച് കൊണ്ടുവരണം, ആ സഹകരണത്തോടെ നമ്മൾ നല്ല ജോലി ചെയ്യുകയും പണം സമ്പാദിക്കുകയും ചെയ്യുന്നു. അതിനാൽ, സമ്പത്തിന്റെ ദേവതയായ ലക്ഷ്മി വിരലുകളുടെ അഗ്രത്തിൽ വസിക്കുന്നു, ലക്ഷ്മീദേവി സൽകർമ്മങ്ങൾ ചെയ്യാനും നീതിപൂർവ്വം പണം സമ്പാദിക്കാനും പ്രചോദനം നൽകുന്നു.

അറിവ് നേടാൻ, പുസ്തകം നമ്മുടെ കൈയ്യിൽ പിടിച്ച് ഉള്ളംകൈയുടെ സഹായത്തോടെ വായിക്കുകയോ എഴുതുകയോ വേണം. അതിനാൽ, അറിവിന്റെ, ജ്ഞാനത്തിന്റെയോ പഠനത്തിന്റെയോ ദേവതയായ സരസ്വതി ഉള്ളംകൈയുടെ മധ്യഭാഗത്താണ് താമസിക്കുന്നതെന്ന് നമ്മൾ പറയുന്നു, അത് പുസ്തകം നമ്മുടെ കയ്യിൽ പിടിക്കാനും പൂർണ്ണ ഏകാഗ്രതയോടെ പഠിക്കാനും അറിവ് നേടാനും സഹായിക്കുന്നു. മറ്റ് ആളുകളുടെയോ മൃഗങ്ങളുടെയോ പാമ്പുകൾ പോലുള്ള ജീവികളുടെയോ ആക്രമണത്തിൽ നിന്ന് സ്വയം രക്ഷനേടാൻ ഉള്ളംകൈയുടെ ചലനം നമ്മൾക്ക് വളരെ സഹായകരമാണ്, അതിനാൽ ലോകത്തെ സംരക്ഷിക്കുകയും പരിപോഷിപ്പിക്കുകയും ചെയ്യുന്ന ഗോവിന്ദൻ അല്ലെങ്കിൽ വിഷ്ണു പ്രഭു ഉള്ളംകൈയിൽ വസിക്കുന്നു, മറ്റുള്ളവരുടെ ആക്രമണത്തിൽ നിന്ന് സ്വയം പരിരക്ഷിക്കാൻ ഉള്ളംകൈയ് നമ്മളെ സഹായിക്കുകയും ഒപ്പം നമ്മളുടെ എല്ലാ നീതിനിഷ്‌ഠമായ പ്രവർത്തനങ്ങളിലും പരിശ്രമങ്ങളിലും പ്രചോദിപ്പിക്കുകയും നിലനിർത്തുകയും നയിക്കുകയും ചെയ്യുന്നു.

മനോഹരമായ കൈകളുടെ കഥ

ഒരിക്കൽ ദൈവം തന്റെ മാലാഖയെ ഏറ്റവും മനോഹരമായ കൈകൾ തേടി അയച്ചു. അദ്ദേഹം പറഞ്ഞു, ‘പോയി ഭംഗിയുള്ള കൈകളുള്ള ഒരു മനുഷ്യനെ ഭൂമിയിൽ നിന്ന് എന്റെ അടുക്കൽ കൊണ്ടുവരിക!’

മാലാഖ അർദ്ധരാത്രിയിൽ ഭൂമിയിൽ ചെന്നു, എല്ലാവരും ഇപ്പോൾ ഉറങ്ങുകയായിരിക്കും എന്ന് കരുതി അവരുടെ കൈകൾ എളുപ്പത്തിൽ ദൂരം നിന്ന് നിരീക്ഷിക്കാം എന്ന് വിചാരിച്ചു. രാജ്ഞിയുടെ കൈകൾ മനോഹരമായിരിക്കുമെന്ന് കരുതി മാലാഖ ആദ്യമായി കൊട്ടാരത്തിലെത്തി, അത് ആഭരണങ്ങളാൽ നന്നായി അലങ്കരിക്കപ്പെടുകയും തൈലങ്ങളാൽ പോഷിപ്പിക്കപ്പെടുകയും ചെയ്യും.

എന്നാൽ മാലാഖ രാജ്ഞിയുടെ അറയിലേക്ക് പ്രവേശിച്ചപ്പോൾ വായുവിൽ അസുഖകരമായ ഗന്ധം ഉണ്ടായിരുന്നു. രാജ്ഞി ചെയ്ത മോശം പ്രവൃത്തികളുടെ ഗന്ധമായിരുന്നു അത്. അവരുടെ കൈകൾ ക്രൂരമായ പലതും ചെയ്തു. രാജാവിന്റെ കാര്യവും അങ്ങനെതന്നെ. ഉന്നതരുടെയും യോദ്ധാക്കന്മാരുടെയും ‌ കച്ചവടക്കാരുടെയും വീട് മാലാഖ സന്ദർശിച്ചു, അവരുടെ കൈകൾ സൽകർമ്മങ്ങൾ ചെയ്‌തിരിക്കാമെന്നും അതിനാൽ സൗന്ദര്യം കൈവരിചിരിക്കുമെന്നും കരുതി, എന്നാൽ മാലാഖ നിരാശനായി.

അപ്പോൾ മാലാഖ ആശ്രമങ്ങളിലേക്കു തിരിഞ്ഞു, സന്യാസിമാരിൽ ഒരാളുടെയെങ്കിലും കൈകൾ മനോഹരമായിരിക്കാം. പക്ഷേ, അയ്യോ! അവിടെയും അദ്ദേഹം നിരാശനായി. പൗരോഹിത്യത്തിൻ കീഴിൽ അവരുടെ കൈകൾ ധാരാളം പാപങ്ങൾ ചെയ്തു. അവരും അഹംഭാവം നിറഞ്ഞവരായിരുന്നു. മാലാഖ വളരെ സങ്കടപ്പെട്ടു. വളരെ ഭാരമുള്ള ഹൃദയത്തോടെ, ഒരു തുറന്ന സ്ഥലത്തെ മരത്തിന്റെ ചുവട്ടിൽ ഇരുന്നു. ദൈവം അനുവദിച്ച ചുമതല പൂർത്തിയാക്കാതെ എങ്ങനെ അഭിമുഖീകരിക്കുമെന്ന് മാലാഖ ചിന്തിച്ചു! പെട്ടെന്നു മനോഹരമായ ഒരു സുഗന്ധം എവിടെ നിന്നോ മാലാഖയുടെ അടുത്തേക്ക്‌ നീങ്ങി. മാലാഖ ചുറ്റും നോക്കിയപ്പോൾ അവിടെ പൂക്കളോ മരങ്ങളോ സുഗന്ധമുള്ള സസ്യങ്ങളോ ഇല്ല! മാലാഖ ഇരുട്ടിൽ ചുറ്റും തിരഞ്ഞു.

ഒരു കൃഷിക്കാരൻ തുറന്ന നിലങ്ങളിൽ നിലത്ത് ഉറങ്ങുന്നത് കണ്ടു. മാലാഖ അവന്റെ അടുത്ത് കുനിഞ്ഞ് കൃഷിക്കാരന്റെ കൈകൾ കണ്ടു. പരുക്കനും തവിട്ടുനിറവുമൊക്കെയാണെങ്കിലും അവ തിളക്കത്തോടെ തിളങ്ങുന്നു! കൃഷിക്കാരൻ വേഗത്തിൽ ഉറങ്ങുകയും കൈപ്പത്തിയിൽ നിന്ന് മനോഹരമായ സുഗന്ധം പുറപ്പെടുവിക്കുകയും അന്തരീക്ഷം തണുത്തതും മനോഹരവുമായിരുന്നു. മാലാഖ കൃഷിക്കാരനെ ദൈവത്തിങ്കലേക്കു കൊണ്ടുപോയെങ്കിലും അമ്പരന്നു. രാജാവിനെയും രാജ്ഞിയേക്കാളും ഭംഗിയുള്ള കൈകൾ കൃഷിക്കാരന് എങ്ങനെ ലഭിക്കുമെന്ന് മാലാഖ ദൈവത്തോട് ചോദിച്ചു. മാലാഖ ശരിയായ കൈകൾ തിരങ്ങെടുത്തത്തിൽ ദൈവം സന്തോഷിച്ചു. പ്രവർത്തിക്കാൻ രണ്ട് ശക്തമായ കൈകൾ നൽകിയതിന് കൃഷിക്കാരൻ ദൈവത്തോട് എന്നും നന്ദി പറഞ്ഞിരുന്നുവെന്ന് അദ്ദേഹം മാലാഖയോട് വിശദീകരിച്ചു. തന്റെ കൈകൾ കേവലം ഉപകരണങ്ങളാണെന്നും ദൈവം തന്നിരിക്കുന്ന ഈ ഉപകരണം തന്റെ ഉദ്ദേശ്യത്തിനായി ഉപയോഗിക്കേണ്ടതുണ്ടെന്നും അവനറിയാമായിരുന്നു. അതിനാൽ കൃഷിക്കാരൻ തന്റെ കൈകൾ ഉപയോഗിച്ച് അറിവ് നേടാനും ആ അറിവ് മറ്റുള്ളവർക്ക് നൽകാനും ഉപയോഗിച്ചു. വയലുകളിൽ അധ്വാനിക്കാനും ധാന്യം വളർത്താനും അവൻ അവരെ ഉപയോഗിച്ചു. ദരിദ്രർക്ക് ധാന്യം നൽകാനും അവൻ അവരെ ഉപയോഗിച്ചു, മറ്റുള്ളവരെ തന്റെ കൈകൾ കൊണ്ട് സുഖപ്പെടുത്തി. തന്റെ നേട്ടങ്ങളെക്കുറിച്ച് അദ്ദേഹം ഒരിക്കലും അഭിമാനിച്ചിരുന്നില്ല, എന്നാൽ എല്ലായ്പ്പോഴും ദൈവത്തിന്റെ മുമ്പിൽ കൈകൾകൂപ്പി . അങ്ങനെ, കൃഷിക്കാരൻ സ്വന്തം പരിശ്രമത്തിലൂടെ അറിവും സമ്പത്തും സമൃദ്ധിയും നേടി, ഇപ്പോൾ ആ ശ്രേഷ്ഠപ്രവൃത്തികളിലൂടെ അവൻ ഈശ്വരനിൽ എത്തി ലയിച്ചു അങ്ങനെ കൃഷിക്കാരന് ദൈവത്വം ലഭിച്ചു.

[Illustrations by Dhanusri, Sri Sathya Sai Balvikas Student]
[ആവിഷ്കരിച്ചത്: ശ്രീ സത്യസായി ബാലവികാസ് ഗുരുസ് ഹാൻഡ്‌ബുക്ക്, ഗ്രൂപ്പ് I, ഒന്നാം വർഷം, ‘ശ്രീ സത്യസായി ബുക്സ് & പബ്ലിക്കേഷൻ ട്രസ്റ്റ്’, ‘ധർമ്മക്ഷേത്രം, മഹാകാളി കേവ്സ് റോഡ്, അന്ധേരി (E), മുംബൈ പ്രസിദ്ധീകരിച്ചത്.]