కళ్ళగంతల ఆట

కళ్ళగంతల ఆట

లక్ష్యం:

ఈ ఆట ఆటగాళ్లకు మంచి అనుభూతిని కలిగించే ఆట.

తన సహచరుని సహాయంతో ఒక గ్రుడ్డివాడు ఏ విధంగా తన లక్ష్యాన్ని చేరుకున్నాడు అనేది తెలియజేస్తుంది. ఈ ఆట పిల్లలలో ఒకరి పట్ల ఒకరికి నమ్మకం, దయ, వినికిడి శక్తి, సరైన భావ ప్రకటన సామర్థ్యం పెరగటానికి దోహదపడుతుంది.

ఆటలోని విలువలు:

• సహకారం
• నమ్మకం,
• సానుభూతి.

కావలసిన వస్తువులు:

1. రెండు కళ్ళ గంతలు
2. అడ్డుగా పెట్టడానికి బాక్సులు, “obstacles” కుర్చీలు, పుస్తకాలు, టేబుల్, బ్యాట్లు, ఫుట్ బాల్, బకెట్.

గురువులు ముందుగా తయారు చేసుకోవలసినవి ఏమీ లేవు.

ఎలా ఆడాలి

1. గురువు ముందుగా పిల్లలను గ్రూపులుగా విభజించాలి.
2. పైన చెప్పిన వస్తువులను హాల్ లో కానీ, బయటకాని అక్కడక్కడ పెట్టాలి.
3. గ్రూపులో ఒకరికి కళ్లకు గంతలు కట్టి ఆట మొదలు పెట్టే లైన్ దగ్గర నిలబెట్టాలి.
4. కళ్ళకు గంతలు కట్టుకున్న విద్యార్థికి వేరువేరు దిశల నుంచి పిలుస్తూ ఎలా వెళ్లాలో మార్గ నిర్దేశం చేయాలి. ఉదా: నేరుగా వెళ్ళు, ఎడమవైపు తిరుగు మొదలైనవి.
5. రెండవ విద్యార్థి చెప్పిన దిక్కుల ఆధారంగా వెళ్తూ నిర్ణీత సమయంలో విజయం సాధించాలి.
6. ఇది రెండవ సమూహంలోని ఇద్దరు ఆటగాళ్లచే పునరావృతం అవుతుంది.
7. చివరిగా నిర్ణీత సమయ వ్యవధిలో గమ్యస్థానాన్ని చేరుకోగలిగిన వారు విజేత.

గురువులకు చిట్కాలు:

• గైడ్ మరియు కళ్ళకు గంతులు కట్టిన పిల్లల పాత్రలు మారవచ్చు.
• ఇది కళ్లకు గంతలు కట్టుకున్నవ్యక్తిగా, మార్గదర్శిగా రెండు పాత్రలలోను వారి అనుభవాలను పొందేందుకు వీలు కల్పిస్తుంది
• చూడలేనప్పుడు నిస్సహాయత, అభద్రత నిరాశ మొదలైనవి మరియు తర్వాత అవి గైడ్ గా ఉన్నప్పుడు స్పష్టమైన మార్గదర్శకత్వం లభించినప్పుడు ఆశ నమ్మకం, ఆత్మవిశ్వాసం, కృతజ్ఞత, సంకల్పం మొదలైన అనుభవాలను అనుభవిస్తారు.
• ఒక మార్గదర్శిగా అతని భావాలు సానుభూతి కరుణ, శ్రద్ధ, స్వీయ సంతృప్తి మరియు అంతర్గత ఆనందానికి దారి తీస్తుంది.