విశ్వ ప్రేమ
విశ్వ ప్రేమ
దశ 1:
- సౌకర్యవంతమైన స్థితిలో కుర్చీలో కానీ, నేల మీద స్థిరాసనంలో కానీ కూర్చోండి.
- మీ వెన్నెముకను, తలను నిటారుగా ఉంచండి.
- మెల్లగా దీర్ఘశ్వాసను తీసుకుని, తిరిగి మెల్లగా బయటకు వదలండి.
- కొద్దిగా విశ్రాంతి తీసుకుని, దీర్ఘశ్వాసను మళ్లీ మళ్ళీ తీసుకోండి.
దశ 2:
ఇప్పుడు మీ శరీరంలోని ఉద్రేకాలను తగ్గించండి. మీ కాలి వేళ్ళని సాగదీయండి. ఆపై వాటికి విశ్రాంతినివ్వండి. మీ పిక్క కండరాలను బిగించండి. ఆపై వాటికి విశ్రాంతినివ్వండి.మీ పై కాళ్లు మరియు తొడలోని కండరాలను బిగించండి. వాటికి విశ్రాంతినివ్వండి.మీ పొట్ట భాగంలోని కండరాలను బిగించండి. వాటికి విశ్రాంతినివ్వండి. మీ భుజాలను వెనక్కిలాగండి. వాటికి విశ్రాంతినివ్వండి. మీ భుజాలను పైకి క్రిందికి తట్టండి. ఆపై వాటికి విశ్రాంతినివ్వండి. ఎడమవైపుకు చూడండి. ముందుకు చూడండి. తిరిగి కుడి వైపుకు చూడండి.మళ్ళీ ముందుకు చూడండి. మీ ముఖంలోని కండరాలను బిగించండి. వాటికి విశ్రాంతినివ్వండి. ఇప్పుడు మీ శరీరం మొత్తం విశ్రాంతిని పొందినట్లుగా అనుభూతిని పొందండి. ఉద్రేకాలు అన్నీ తొలిగిపోతాయి.
దశ 3:
ఇప్పుడు మీ శ్వాసపై ఎఱుకను కలిగి ఉండండి. మీ ఊపిరితిత్తుల నిండా దీర్ఘ శ్వాసను తీసుకోండి. తగినంత సమయం తీసుకుని మెల్లగా బయటికి వదలండి. కళ్ళను నెమ్మదిగా మూయండి.
మీరు శ్వాసను లోపలికి తీసుకుంటున్నప్పుడు స్వచ్ఛమైన గుణనివారణ శక్తి (హీలింగ్ పవర్) మీ లోపలికి ప్రవేశించినట్లుగా ఊహించుకోండి. ఆ శక్తి మీలో ఆనందాన్ని, ప్రేమను, శాంతిని నింపుతున్నట్లుగా భావించండి. శ్వాసను బయటికి వదులుతున్నప్పుడు మీకు అసౌకర్యాన్ని కలిగించే గుణాలైన విచారము, అలసట, కోపము, చిరాకు, భయము, విసుగు, అసూయ వంటివి బయటికి వెళ్తున్నట్టుగా భావించండి. మీరు సంతోషంగా ఎటువంటి చింతలు లేకుండా ఉన్నట్టుగా ఊహించుకోండి. ఇలా మూడు నాలుగు పర్యాయములు చేసినచో, మిమ్మల్ని ఆందోళనపరచే విషయములు అన్ని ఒక్కొక్కటి దూరంగా వెళ్లిపోతాయి.
దశ 4:
మీ హృదయంలో ప్రేమ భావాన్ని పెంపొందించనివ్వండి… తర్వాత అది మీ శరీరం అంతటా వ్యాపించనివ్వండి. ఇప్పుడు మీరు ప్రేమస్వరూపులు మరియు అందమైనవారు. కనుక మీ చుట్టూ ఉన్న వారంతా కూడా ప్రేమ స్వరూపులుగానే ఉంటారు. మీ ప్రేమ తరగతిలోని ప్రతి ఒక్కరికీ వ్యాప్తిచెందనివ్వండి. తర్వాత ఆ ప్రేమను మీ కుటుంబ సభ్యులకు పంచండి. తర్వాత మీ వీధిలోని ప్రజలు, ఆ తర్వాత దేశమంతటా వ్యాపించనివ్వండి.
అన్ని జీవులు, జంతువులు, చేపలు, చెట్లు,మొక్కలు… మరియు ఇప్పుడు సమస్త భూగోళానికి మీ ప్రేమను వ్యాప్తి చెందనివ్వండి. ఎందుకంటే ప్రతి ఒక్కరికీ, ప్రతి ప్రాణికి ప్రేమ అవసరం.
ఆ తర్వాత మీ పట్టణంలోనే కాక, ప్రపంచంలోని ప్రతి ఒక్కరికీ, మీ చుట్టూ ఉన్న ప్రతి వస్తు సముదాయానికి మీ ప్రేమ చాలా అవసరం అని తెలుసుకోండి. దీన్ని అర్థం చేసుకుంటే, మీరు సంతోషంగా ఉంటారు.
దశ 5:
ఇప్పుడు మీ దృష్టిని తిరిగి తరగతి గదికి తీసుకుని రండి. వ్యాయామం పూర్తి అయినది కనుక మీ కళ్ళను తెరిచి విప్పార్చండి. మీ పక్కన ఉన్న వారిని చూసి నవ్వండి.
కూర్చుని చేసే ఈ వ్యాయామం యొక్క అనుభవాలను విద్యార్థులు పక్కవారితో పంచుకోవాలని కూడా అనుకోవచ్చు కనుక వారిని ప్రోత్సహించండి.ఈ వ్యాయామం వలన వారు ఎటువంటి అనుభూతిని పొందారో అడగండి. ఆ అనుభూతిని చిత్రంగా గీయమని ప్రోత్సహించడం వల్ల పిల్లలలో సృజనాత్మకత పెంపొందుతుంది.
[శ్రీ సత్యసాయి మానవతా విలువల బోధిని ఆధారంగా.]