ಚಟುವಟಿಕೆ : ಕಲೆ ಹಾಗೂ ಕರಕುಶಲ ಕೆಲಸ – ಹಳೆಯ ವರ್ತಮಾನ ಪತ್ರಿಕೆಯ ಮೂಲಕ ಕೃಷ್ಣನ ಕೊಳಲು ಮಾಡುವುದು
ಬೇಕಾಗಿರುವ ಸಾಮಗ್ರಿಗಳು:
10 ಹಳೆಯ ವರ್ತಮಾನ ಪತ್ರಿಕೆಯ ಹಾಳೆಗಳು
ಬಟ್ಟೆ /ಲೈನಿಂಗ್ ಪಟ್ಟಿ/ ಕಾಗದ
ಬಂಗಾರ ಬಣ್ಣದ ದಾರ
ಸೂಜಿ ಹಾಗೂ ದಾರದ ಮಣಿಗಳು
ಥರ್ಮೋಕೋಲ್ ಅಥವಾ ಕಾಗದದ ಮಣಿಗಳು.
ರೂಲರ್, ಪೆನ್ಸಿಲ್, ಗೋಂದು.
ವಿಧಾನ :<
5 ವೃತ್ತಪತ್ರಿಕೆ ಹಾಳೆಗಳನ್ನು ತೆಗೆದುಕೊಂಡು ಒಂದರ ಮೇಲೊಂದು ಇರಿಸಿ
ಈಗ ಹಾಳೆಗಳನ್ನು ಸರಿಯಾಗಿ ಮಧ್ಯಕ್ಕೆ ಮಡಚಿ, ತೆರೆದ ಅಂಚಿನಿಂದಮಡಚಿದ ಅಂಚಿನವರೆಗೆ, ಸುರುಳಿ ಸುತ್ತಿರಿ.
ಈ ಸುರುಳಿಯನ್ನು ಗೋಂದಿನ ಮೂಲಕ ಅಂಟಿಸಿರಿ.
ಈ ಕಾಗದ ಕೊಳಲು 36 ಸೆಂ.ಮೀ. ಉದ್ದವಿರಲಿ.ಈಗ ರೂಲರ್ ಹಾಗೂ ಪೆನ್ಸಿಲಿನ ಮೂಲಕ, ಕೊಳಲಿನ ಒಂದು ತುದಿಯಿಂದ 8,11,14,18 ಸೆಂ.ಮೀ.ನಷ್ಟುಅಂತರದಲ್ಲಿ ವರ್ತುಲಾಕಾರಗಳನ್ನು ಚಿತ್ರಿಸಿರಿ.
ಜಾಗ್ರತೆಯಿಂದ,ಒಂದು ಚೂರಿಯ ಸಹಾಯದಿಂದ (ಹಿರಿಯರ ಮೇಲ್ವಿಚಾರಣೆ ಇರಲಿ) ನಿಧಾನವಾಗಿ ವರ್ತುಲಾಕಾರದ ರಂಧ್ರಗಳನ್ನು ಕೊರೆಯಿರಿ. ಪೂರ್ತಿ ಕತ್ತರಿಸುವ ಅಗತ್ಯವಿಲ್ಲ. ಹಾಗೆಯೇ ಹಿಂಭಾದಲ್ಲಿ ಕತ್ತರಿಸಬೇಡಿ.
ಒಂದು ಪೆನ್ಸಿಲ್ ತೆಗೆದುಕೊಂಡು ಆ ರಂಧ್ರಗಳನ್ನು ನಿರ್ದಿಷ್ಟ ಅಳತೆಗೆ ವಿಸ್ತರಿಸಿರಿ.
ಆ ಕೊಳಲಿನ ಉದ್ದದಷ್ಟೇ ಅಳತೆಯ ಚಿನ್ನಾರಿ ಬಟ್ಟೆ ತೆಗೆದುಕೊಳ್ಳಿರಿ. ಕಾಗದದ ಕೊಳಲಿನಲ್ಲಿರುವ 4 ರಂಧ್ರಗಳಿಗೆ ಸರಿ ಸಮಾನವಾಗಿ ಬಟ್ಟೆಯಲ್ಲಿ ಕೂಡ 4 ರಂಧ್ರಗಳನ್ನು ಮಾಡಿರಿ. ಅನಂತರ ಬಟ್ಟೆಯನ್ನು ಕಾಗದದ ಕೊಳಲಿಗೆ ಅಂಟಿಸಿರಿ.
ಅಲಂಕರಣ ಗೊಂಡೆಗಾಗಿ, ಒಂದು ಥರ್ಮಕೋಲಿನ ಚಿಕ್ಕ ಚೆಂಡಿನೊಳಗೆ, ಸೂಜಿಯ ಮೂಲಕ ದಾರವನ್ನು ಸುರಿಯಿರಿ. ಅದರ ಮೇಲೆ ಚಿನ್ನಾರಿ ಬಟ್ಟೆಯನ್ನು ಅಂಟಿಸಿರಿ. ನಂತರ ದಾರದಲ್ಲಿ ಮಣಿಯನ್ನು ಪೋಣಿಸಿರಿ.
ಲೈನಿಂಗ್ ಪಟ್ಟಿ ಅಥವಾ ಕಸೂತಿ ಬಟ್ಟೆಯನ್ನು ಕೊಳಲಿನ ಒಂದು ತುದಿಗೆ ಹಾಗೂ ಮಧ್ಯಕ್ಕೆ ಅಂಟಿಸಿರಿ. ಬಂಗಾರ ಬಣ್ಣದ ದಾರವನ್ನು ಕೊಳಲಿನ 4 ರಂಧ್ರಗಳ ಸುತ್ತಲೂ ಅಂಟಿಸಿರಿ. ಈಗ ಕೊಳಲು ತಯಾರಾಗಿದೆ.
