ಓಂ ಸರ್ವಮಂಗಲ ಶ್ಲೋಕ – ಚಟುವಟಿಕೆ

ಓಂ ಸರ್ವಮಂಗಲ ಶ್ಲೋಕ – ಚಟುವಟಿಕೆ

1. ಗುರುವು ಮೊದಲು ಶ್ಲೋಕದ ಅರ್ಥವನ್ನು ಮಕ್ಕಳಿಗೆ ತಿಳಿಸಬೇಕು.
2. ಗುರುವು ಶ್ಲೋಕದ ಶಬ್ದಗಳಿಗೆ ಸಂಬಂಧಿಸಿದ ಮುಖ್ಯವಾದ ಅಂಶಗಳನ್ನು ಬೋರ್ಡ್ ಮೇಲೆ ಬರೆಯಬೇಕು. ಉದಾ :- ಮಂಗಳಕರ (ಶುಭಕರ), ಎಲ್ಲ ತರಹದ ಐಶ್ವರ್ಯ, ಶಿವನ ಹೆಂಡತಿ, ವಿಷ್ಣುವಿನ ಸಹೋದರಿ, ಯಶಸ್ಸನ್ನು ಕೊಡುವವಳು ಇತ್ಯಾದಿ.
3. ನಂತರ ಒಂದು ಹುಡುಗಿಗೆ ಪಾರ್ವತಿ ದೇವಿಯಂತೆ ನಟನೆ ಮಾಡಲು ತಿಳಿಸಿ (ಗುರುವು ಪಾರ್ವತಿಯಂತೆ ಉಡುಪು ಧರಿಸಲೂ ಹೇಳಬಹುದು) ಅಥವಾ ಅದಕ್ಕೆ ಬದಲಾಗಿ ಪಾರ್ವತಿಯ ಒಂದು ಚಿತ್ರಪಟವನ್ನಾದರೂ ಇಡಬಹುದು.
4. ಚಿಕ್ಕ ಮಕ್ಕಳು ಒಬ್ಬೊಬ್ಬರಾಗಿ ಅಥವಾ 2, 3 ಮಕ್ಕಳು ಜೊತೆಗೂಡಿ ಬೋರ್ಡ್ ಮೇಲೆ ಬರೆದಿರುವ ಕೆಲವು ಪದಗಳನ್ನು ತೆಗೆದುಕೊಂಡು ಶ್ಲೋಕದ ಅರ್ಥ ಬರುವ ಹಾಗೆ ಸಂಯೋಜಿಸಬಹುದು.
   ಉದಾ:- ಈ ಶ್ಲೋಕಕ್ಕೆ ಬೋರ್ಡಲ್ಲಿರುವ ಪದಗಳನ್ನು ಬಳಸಿ ಹೀಗೆ ಬರೆಯಬಹುದು– “ಓ ಮಾತೆಯೇ, ನೀನು ಶಿವನ ಹೆಂಡತಿ, ವಿಷ್ಣುವಿನ ಸಹೋದರಿ. ದಯವಿಟ್ಟು ನನಗೆ ಯಶಸ್ಸನ್ನು ಅನುಗ್ರಹಿಸು.”ಇನ್ನೊಂದು ಉದಾಹರಣೆ:- “ಮಂಗಳಕರಳೆ, ನಿನಗೆ ಶರಣಾಗುತ್ತಿದ್ದೇನೆ. ದಯವಿಟ್ಟು ಎಲ್ಲ ತರದ ಐಶ್ವರ್ಯಗಳನ್ನು ದಯಪಾಲಿಸು.”
5. ಮಕ್ಕಳಿಗೆ ಈ ಶ್ಲೋಕವನ್ನು ಕಲಿಯಲು ಹೇಳಿ. ನಂತರ ಒಬ್ಬೊಬ್ಬರಾಗಿ ಅಥವಾ ಗುಂಪುಗಳಾಗಿ ಬಂದು ಈ ಶ್ಲೋಕವನ್ನು ಭಕ್ತಿಯಿಂದ ಹೇಳುತ್ತಾ (ಅಭಿನಯಿಸುತ್ತ) ಪಾರ್ವತಿಯ ಚಿತ್ರಕ್ಕೆ ಹೂವನ್ನು ಹಾಕಬೇಕು.

ಸಂಕ್ಷಿಪ್ತ ವಿವರಣೆ:

ಶ್ಲೋಕವನ್ನು ಕಲಿಯಲು ಮತ್ತು ಅದರ ಅರ್ಥವನ್ನು ನೆನಪಿಟ್ಟುಕೊಳ್ಳಲು ಈ ಚಟುವಟಿಕೆಯು ತುಂಬಾ ಸಹಕಾರಿಯಾಗಿದೆ. ಕಲಿಯುವಾಗ ಮೋಜಿರುತ್ತದೆ ಹಾಗೂ ನಿಧಾನವಾಗಿ ಪಾರ್ವತಿಯ ಬಗ್ಗೆ ಭಕ್ತಿಯ ಬೀಜವನ್ನು ಮಕ್ಕಳ ಮನದಲ್ಲಿ ಬಿತ್ತಲು ನೆರವಾಗುತ್ತದೆ ಮತ್ತು ಈ ಶ್ಲೋಕವು ಪಾರ್ವತಿಯ ಗುಣಗಳನ್ನು ತಿಳಿಸಲು ಸಹಕಾರಿಯಾಗಿದೆ. (ಎಚ್ಚರವಿರಲಿ, ಕ್ಲಿಷ್ಟ ಪದಗಳನ್ನು ಬಳಸಿ ಮಕ್ಕಳಿಗೆ ಶ್ಲೋಕದ ಅರ್ಥ ಕಠಿಣ ಎನ್ನುವ ಹಾಗೆ ಮಾಡಬೇಡಿ.)

ಈ ಚಟುವಟಿಕೆಯ ನಂತರ ಎಲ್ಲ ಮಕ್ಕಳು ಒಟ್ಟಾಗಿ ಈ ಶ್ಲೋಕವನ್ನು ಮತ್ತು ಅದರ ಅರ್ಥವನ್ನು ಹೇಳುವಂತೆ ಹೇಳಿ.