യാകുന്ദേന്ദു

വരികൾ

• യാകുന്ദേന്ദു തുഷാരഹാരധവളാ
• യാശുഭ്രവസ്ത്രാവൃതാ
• യാ വീണാ വരദണ്ഡ മണ്ഡിതകരാ
• യാശ്വേത പത്മാസനാ
• യാ ബ്രഹ്മാച്യുത ശങ്കര പ്രഭൃതിഭിർ
• ദേവൈ സദാ വന്ദിതാ
• സാമാം പാതു സരസ്വതീ ഭഗവതീ
• നിശ്ശേഷ ജാഡ്ഡ്യാപഹാ

അർത്ഥം

ഏതൊരു ദേവിയാണോ മുല്ലപ്പൂ, ചന്ദ്രൻ, മഞ്ഞു ഇവയുടെ ധവളിമയോടെ (വെളുപ്പോടെ)കൂടിയിരിക്കുന്നത്, ഏതൊരു ദേവിയാണോ ശുഭ വസ്ത്രം ധരിച്ചു, വെള്ളത്താമര പൂവിൽ ആസനസ്ഥയായി, കൈകളാൽ വീണാ വാദനം നടത്തുന്നത്, ഏതൊരു ദേവിയാണോ ബ്രഹ്മാ, വിഷ്ണു, ശിവൻ ഇവരാൽ സ്തുതിക്കപ്പെട്ടുകൊണ്ടിരിക്കുന്നത്, ആ അജ്ഞാന നാശകാരിണിയായ സരസ്വതീ ദേവി ഞങ്ങളുടെ അജ്ഞാനം പാടെ നീക്കി രക്ഷിക്കുമാറാകട്ടെ.