పూర్వం రామ

పంక్తులు

• పూర్వం రామ తపోవనాది గమనమ్ హత్వామృగం కాంచనం
• వైదేహీ హరణం జటాయుమరణం సుగ్రీవ సంభాషణం
• వాలీ నిర్దలనం సముద్ర తరణం లంకాపురీ దహనం
• పశ్చాత్ రావణ కుంభకర్ణ హననం ఏతద్ హి రామాయణం.

అర్ధము

శ్రీరాముడు, తండ్రికి కైకకు ఇచ్చిన మాటలను నిలుపుటకు అరణ్యముల కేగెను. అచట సీతాదేవి బంగారు లేడిని చూచి ఆకర్షితులైనపుడు రాముడు ఆ లేడిని వేటాడుచూ వెళ్ళెను. దుష్టరావణుడు సీతను అపహరించెను. జటాయువు సీతను రక్షించుట కొరకు రావణునితో యుధ్ధము చేసి అసువులు బాసెను. రాముడు సుగ్రీవునితో మైత్రి చేసి వాలిని సంహరించెను. సముద్రము దాటి లంకను నాశనము చేసి రావణ కుంభకర్ణాది రాక్షసులను హతమార్చి సీతను విడిపించెను. రామయణము నందలి కథ సంగ్రహముగా ఇది.