ಶ್ರೀ ಸತ್ಯಸಾಯಿ ಅಷ್ಟೋತ್ತರ-ಶತ–ನಾಮರತ್ನಮಾಲಾ 28-54

ರತ್ನಾಕರ ವಂಶದಲ್ಲಿ ಹುಟ್ಟಿದವನಿಗೆ ನಮಸ್ಕಾರ.

ಶಿರ್ಡಿಸಾಯಿಯೊಂದಿಗೆ ಭೇದವಿಲ್ಲದ ಶಕ್ತಿಯಾಗಿ ಅವತರಿಸಿದ ಪ್ರಭುವಿಗೆ ನಮಸ್ಕಾರ.

‘ಶಂ’ ಎಂದರೆ ಮಂಗಳ. ‘ಕರ’ ಎಂದರೆ ಮಾಡುವವನು. ಮಂಗಳವನ್ನುಂಟುಮಾಡುವವನಿಗೆ ನಮಸ್ಕಾರ.

ಶಿರ್ಡಿ ಸಾಯಿಯ ಮತ್ತೊಂದು ರೂಪವೇ ಆಗಿರುವ ಸ್ವಾಮಿಗೆ ನಮಸ್ಕಾರ.

ದ್ವಾರಕಾಮಾಯಿಯಲ್ಲಿ ವಾಸಿಸುವವನಿಗೆ ನಮಸ್ಕಾರ. ಶಿರ್ಡಿ ಸಾಯಿಬಾಬಾ ಅವರು ವಾಸಿಸುತ್ತಿದ್ದ. ಮಸೀದಿಯನ್ನು ‘ದ್ವಾರಕಾಮಾಯಿ’ಎಂದು ಕರೆದಿದ್ದರು.

ಚಿತ್ರಾವತೀ ನದಿಯ ದಡದಲ್ಲಿರುವ ಪುಟ್ಟಪರ್ತಿಯಲ್ಲಿ ವಿಹರಿಸುವವನಿಗೆ ನಮಸ್ಕಾರ.

ಶಕ್ತಿಯನ್ನು ನೀಡುವ ಸ್ವಾಮಿಗೆ ನಮಸ್ಕಾರ. ಭಗವಂತ ಶಕ್ತಿಪ್ರದಾಯಕ.

ಶರಣಾಗತರಾದವರನ್ನು ಕಾಪಾಡುವವನಿಗೆ ನಮಸ್ಕಾರ.

ಆನಂದರೂಪನಾದ ಸ್ವಾಮಿಗೆ ನಮಸ್ಕಾರ.

ಅನಂದವನ್ನು ನೀಡುವವನಿಗೆ ನಮಸ್ಕಾರ. ‘ನಿಮ್ಮೆಲ್ಲ ದುಃಖ, ಸಂಕಟಗಳನ್ನು ಇಲ್ಲಿ ತನ್ನಿರಿ, ನಿಮಗೆ ಆನಂದವನ್ನು ತುಂಬಿ ಕಳುಹಿಸಿಕೊಡುತ್ತೇನೆ’ ಎಂದು ಸ್ವಾಮಿ ಹೇಳುತ್ತಾರೆ.

ಆರ್ತರನ್ನು ರಕ್ಷಿಸುವುದರಲ್ಲಿ ನಿರತನಾಗಿರುವ ಸ್ವಾಮಿಗೆ ನಮಸ್ಕಾರ. ದುಃಖಿಗಳು, ದೀನರು, ನೊಂದವರು ಇವರೆಲ್ಲ ಆರ್ತರು.

ಅನಾಥರಿಗೆ ನಾಥನಾಗಿರುವ ಭಗವಂತನಿಗೆ ನಮಸ್ಕಾರ.

ಯಾವುದೇ ಸಹಾಯವಿಲ್ಲದವರಿಗೆ ಸಹಾಯಕನಾಗಿರುವ ಸ್ವಾಮಿಗೆ ನಮಸ್ಕಾರ.

ಇಡೀ ವಿಶ್ವಕ್ಕೆ ಬಂಧುವಾದವನಿಗೆ ನಮಸ್ಕಾರ.

ಲೋಕ ರಕ್ಷಣೆಯಲ್ಲಿ ನಿರತನಾಗಿರುವ ಸ್ವಾಮಿಗೆ ನಮಸ್ಕಾರ.

ಮೂರು ಲೋಕಗಳ ಪ್ರಭುವಿಗೆ ನಮಸ್ಕಾರ.

ಬಡವರು, ದುಃಖಿಗಳು, ನೋವನ್ನೂ ಅನುಭವಿಸುತ್ತಿರುವವರನ್ನು ಪೋಷಿಸುವ ಸ್ವಾಮಿಗೆ ನಮಸ್ಕಾರ.

ಬ್ರಹ್ಮ, ವಿಷ್ಣು, ಶಿವ ಈ ತ್ರಿಮೂರ್ತಿ ಸ್ವರೂಪನಾದ ಸ್ವಾಮಿಗೆ ನಮಸ್ಕಾರ.

ಮೋಕ್ಷವನ್ನು ನೀಡುವವನಿಗೆ ನಮಸ್ಕಾರ.

ಅಸಾಮರ್ಥ್ಯ, ದೌರ್ಬಲ್ಯ, ದೋಷಗಳನ್ನು ದೂರ ಮಾಡುವ ಪ್ರಭುವಿಗೆ ನಮಸ್ಕಾರ.

ಕರುಣೆ ಎಂದರೆ ಕೃಪೆ, ದುಃಖಿಗಳಲ್ಲಿ ದಯೆ. ಸಕಲ ಜೀವಿಗಳ ಬಗೆಗೆ ಕರುಣೆ ತೋರುವ ಸ್ವಾಮಿಗೆ ನಮಸ್ಕಾರ.

ಯಾವುದೇ ನಾಮ ರೂಪಗಳನ್ನು ಎದುರಿಗಿಟ್ಟುಕೊಂಡು ಕರೆದರೂ ಭಗವಂತನು ಅನುಗ್ರಹಿಸುತ್ತಾನೆ. ಅಂತಹ ಸರ್ವಾಧಾರನಿಗೆ ನಮಸ್ಕಾರ.

ಸಕಲ ಜೀವಿಗಳ ಹೃದಯದಲ್ಲಿ ವಾಸಿಸುವ ಸ್ವಾಮಿಗೆ ನಮಸ್ಕಾರ.

ಪುಣ್ಯ ಎಂದರೆ ಒಳ್ಳೆಯ ಕೆಲಸಗಳು. ಅವುಗಳಿಗೆ ತಕ್ಕ ಒಳ್ಳೆಯ ಫಲಗಳನ್ನು ನೀಡುವವನಿಗೆ ನಮಸ್ಕಾರ.

ಶರಣಾಗತರಾದವರ ಪಾಪದ ಫಲಗಳನ್ನು ಹೋಗಲಾಡಿಸುವವನಿಗೆ ನಮಸ್ಕಾರ.

ಎಲ್ಲಾ ಬಗೆಯ ರೋಗಗಳನ್ನು ನಿವಾರಿಸುವ ಸ್ವಾಮಿಗೆ ನಮಸ್ಕಾರ.

ಬಾಧೆ ಎಂದರೆ ನೋವು, ಯಾತನೆ, ಸಂಕಟ ಬಾಧೆಯನ್ನು ಪರಿಹರಿಸುವವನಿಗೆ ನಮಸ್ಕಾರ.