శ్రీ సత్య సాయి అష్టోత్రం[1-27]

మనందరికీ దివ్యమాత, పిత అయిన బాబాకు నమస్కరిస్తున్నాము

ఓం : ఆది శబ్దము సర్వత్రా వ్యాపించినటువంటిది (యోగములో మానవుని వెన్నెముక కేంద్రభాగము). ఆ పరబ్రహ్మ యొక్క ముఖ్యమైన సంకేతము ఓంకారము. అట్లే బాబాకు గూడా అదే సంకేతము.

శ్రీ : అన్ని రకములైన ఐశ్వర్యము.

నమః : చేతులు జోడించి శిరస్సువంచుట, 10 వ్రేళ్ళు కలిపినప్పుడు కర్మేంద్రియ, జ్ఞానేంద్రియములు భగవంతుడికి అర్పించుట. నమః కు బాబా చెప్నినది, ఇంద్రియములు మనసుతో కలిపి భగవంతుని కర్పించుట. నామమ = నాది కాదు, మీది అనెడి శరణాగతిని తెల్పు క్రియ నమస్కారము.

సత్యమే స్వరూపముగా కలవాడు.

సత్య, ధర్మములు నెలకొల్పుట యందు అచంచల దీక్ష కలవాడు.

వరములను యిచ్చువాడు, వరప్రదాత.

నిత్యుడై వెలుగొందు సత్ పురుషుడు.

సద్గుణములు, సత్సీలము కలిగియుండువాడు.

సద్గుణములను పెంపొందించు వాడు.

సజ్జనులను సంరక్షించువాడు.

అన్నిటినీ తెలిసినవాడు.

సర్వులకు (అందరికీ) ప్రియమైనవాడు.

సర్వ శక్తులకు నిలయమైనటువంటివాడు.

అందరికీ ప్రభువయినటు వంటివాడు.

అన్ని బంధములు వదిలినవాడు (విరాగి).

సర్వజీవుల హృదయములందు ఉండువాడు.

మహిమలు గలవాడు (దివ్యాత్మ).

శివ స్వరూపుడు.

పర్తి అను గ్రామమున జన్మించినవాడు.

పర్తి క్షేత్రములో నివసించువాడు.

పూర్వశరీరములో షిర్డీ నివాసిగా కీర్తి పొందినాడు.

ఒక భక్తుని బిడ్డను రక్షించి లీలలో ఈ పేరు ధరించెను.

భారద్వాజ ఋషి గోత్రము నందు జన్మించినవాడు.

భక్తుల యందు వాత్సల్యము, ప్రేమ కలిగినవాడు.

సంసార సముద్రము దాటి మనల దాటించువాడు, అందరి యందు వుండును.

అవతారములకు మూర్తియైనవాడు.

అన్నివిధములైన భయములను తొలగించువాడు.

ఆపస్తంబ సూత్రకారుని సంప్రదాయములో జన్మించినవాడు.

శరణు కోరిన వారికి అభయమిచ్చువాడు, రక్షించువాడు.