வேதானுத்தரதே

ஸ்துதி வரிகள்

• வேதானுத்தரதே ஜகந் நிவஹதே பூகோளம் உத்பிப்ரதே
• தைத்யம் தாரயதே பலிம் சலயதே க்ஷத்ரக்ஷயம் குர்வதே
• பௌலஸ்த்யம் ஜயதே ஹலம் கலயதே காருண்ய மாதன்வதே
• ம்லேச்சான் மூர்ச்சயதே தஶாக்ருதிக்ருதே க்ருஷ்ணாய துப்யம் நம:

விளக்கவுரை

இது விஷ்ணுவைப் பற்றியப் பிரார்த்தனை. விஷ்ணு, தீமைகளிலிருந்து பக்தர்களைக்
காப்பவன். ஓ இறைவா! வேதங்களைக் காப்பதற்கு நீ மச்சாவதாரம் எடுத்தாய். பின்பு வலிமை மிக்க ஆமையானாய். மூழ்கிக் கொண்டிருந்த பூமியை உன் தோளில் தாங்கினாய்(கூர்மாவதாரம்). பின்பு ஆற்றலுள்ள பன்றியானாய். இந்த உலகத்தைக் கொம்பில் வைத்துக் காத்தாய் (வராஹ அவதாரம்). இரண்யகசிபு என்ற அரக்கனைக் கொல்ல நரசிம்மனானாய். அடுத்து, சிறிய உருவமான வாமனனாகி, மூன்றடி மண் கேட்டாய். பரசுராமனாகப் பிறந்து, கார்த்ய வீரியார்ஜுனனின் கர்வம் அடக்கினாய். இராமாவதாரத்தில், புலஸ்தியன் மகன் ராவணனை வதைத்தாய். கையில் கலப்பைத் தாங்கி, அசுரர்களை அழித்தாய்(பலராமர்). கிருஷ்ணாவதாரத்தில் கருணைக்கடலாய்த் திகழ்ந்தாய். பின்பு புத்தாவதாரம் எடுத்தாய். பாவிகளையும், மோசக்காரர்களையும் அழிக்க, இறுதியில் கல்கி அவதாரமாய் வருவாய். உன் தாமரைத் திருவடிகளை நான் வணங்குகிறேன். (இங்கே ஹரியினுடைய பத்து அவதாரங்களும் விவரிக்கப்படுகின்றன).
.